Na súa propia vivenda, o artista local Robustiano Losada, “Nuco”, mostra máis de 150 obras da súa autoría de temática diversa, moi ligada á realidade social rianxeira e aos seus máis ilustres creadores. Este carpinteiro de ribeira xubilado creou un insólito espazo escultórico cheo de mensaxes, con sorprendentes traballos en pedra, ferro ou fibra de vidro. A instalación está atendida polo propio artista.